اہل بیت(ع) نیوز ایجنسی ۔ ابنا ۔ کی رپورٹ کے مطابق لبنان کے وزیر خارجہ جبران باسل کے نام اپنے مراسلے میں وزیر خارجہ محمد جواد ظریف نے عیدالضحی کے دن رونما ہونے والے سانحہ منیٰ پر افسوس کا اظہار کرتے ہوئے کہا ہے کہ سعودی حکام احساس ذمہ داری کا مظاہرہ کریں۔
ایران کے وزیر خارجہ نے کہا کہ منیٰ کا سانحہ اس سال حج کے موقع پر رونما ہونے والا دوسرا المناک سانحہ تھا جس سے پوری امت مسلمہ کے جذبات کو ٹھیس پہنچی ہے اور حجاج کرام کی سلامتی خطرے میں پڑگئی ہے۔
انہوں نے امید ظاہر کہ سعودی حکام حج کے انتظامات میں دیگر اسلامی ملکوں کے تجربات، تعاون اور مشوروں سے استفادے کا راستہ ہموار کریں گے تاکہ منیٰ جیسے المناک سانحات کے اعادے کو روکا جاسکے۔
۔۔۔۔۔۔۔
/169
